Bla Bla Bla Bla..........

Þjóðin er búin að samþykkja að fara í aðildarviðræður.    Samfylking, Framsókn, og Borgarahreyfing eru með það á stefnuskrá sinni að fara í aðildarviðræður.   Síðan er fullt af fólki bæði í Sjálfstæðisflokk og VG sem finnst sjálfsagt að fá samning upp á borðið og taka svo afstöðu til hans.

Þetta er ósköp einfalt en stjórnmálamenn geta stundum blaðrað endalaust í kring um ekki neitt.    Ágreiningurinn er um hvort eigi að vera tvær þjóðaratkvæðagreiðslur eða ein.    Það er fráleitt að kjósa um það fyrst  hvort  það eigi að sækja um aðild  -Það er nýbúið!    Samfylking mun aldrei ganga að þeirri kröfu.     Nú er tíminn.     Ég er harður ESB-sinni en ég tel samt miklar líkur á því að þjóðin samþykki ekki inngöngu í ESB.    Ég vil fá þetta mál frá.   Þá getur þjóðin einbeitt sér að því að byggja upp Ísland án aðildar að ESB.    Á meðan ESB-aðildin er óafgreitt er þjóðin þverklofin um leiðina út úr kreppunni.   Það er nauðsynlegt fyrir sálarheill þessarar þjóðar að aðildarspurningunni verði flýtt sem kostur er.    VG eiga ekki að vera hrædd við að kynna þjóðinni afstöðu sína þegar þar að kemur.     Það er mikil vitleysa að leggja stein í götu þess að sækja um aðild núþegar.    

Þjóðin verður að ráða

Ja... hérna!

Atli Gíslason vill greinilega ekki taka þátt í tiltektinni eftir íhaldið.    Hann ætti að fara varlega í allar yfirlýsingar.     Verði honum að góðu stjórnarandstaðan ef það er það sem hann vill.    Forræðishyggjan, þvergirðingshátturinn og þvermóðskan ríður stundum ekki við einteyming hjá VG.

Eftir landsfund VG skrifaði ég þessa færslu um ESB-landsfundarályktun þeirra.    Hún er loðin og og tvíræð og minn versti ótti í sambandi við VG er að koma í ljós.  Þeir ætla sér að klúðra tækifærinu á öflugri félagshyggju og jafnaðarmannastjórn.  Bara fyrir það að þeir treysta ekki þjóðinni -Heldur ódýrt allt lýðræðisblaðrið í þeim.    Þeir ætla sér að þæfa málið út í hið óendanlega.    

Steingrímur kastar steinum úr glerhúsi.

Þegar VG maðurinn Steingrímur J. Sigfússon er farinn að tala um Elítur þá er nú fokið í flest skjól.   Stundum held ég að VG séu úr öllu sambandi við hinn almenna verkamann og VG samanstandi eingöngu af hámenntuðu háskólafólki sem hefur draumórakennda sýn um Ísland.  Svona eins og Ný-Rómantíkusar 19. aldar sem halda að þeir geti lifað á loftinu einu saman.  

En þetta lýsir Steingrími vel.    Hann er þverari en andskotinn  þegar kemur að ESB og hefur ekki kjark til að standa við yfirlýsingar eigin flokks.   Forræðishyggjan er hann lifandi að drepa.     Af hverju í rauðglóandi greflinum getur hann ekki leyft þjóðinni að gera upp hug sinn möglunarlaust.   Nei...  hann skortir kjarkinn og er skíthræddur um að ef til vill nái "Elítan" aðeins lengra en upp að Ártúnsbrekku.    Jóhanna var flott þegar hún snupraði hann.    Vonandi gefur hún ekki tommu eftir í komandi stjórnarmyndunarviðræðum.

Elítan vill í ESB

Atkvæða pælingar.

Gild atkvæði 187.180 deilt með 63 gerir 2.971   Sem sagt 2.971 atkvæði á bak við hvern þingmann.  Fasti sem má kalla K.

Heildaratkvæði hvers flokks deilt með K gefur þingmannastuðul sem má kalla S.   

Samfylking > 55.758/K = 18,77

Sjálfstæðisflokkur > 44.369/K = 14,93

Vinstri - Græn > 40.580/K = 13,66

Framsókn > 27.699/K = 9,32

Borgarahreyfing > 13.519/K = 4,55

Frjálslyndir > 4.148/K = 1,40

Lýðræðishreyfing > 1.107 = 0.37

Samkvæmt þessu ef landið væri eitt kjördæmi þá fengi Samfylking 19 (18+1), Sjálfstæðisflokkur 15(14+1), VG 14(13+1), Framsókn 9, Borgarahreyfing 5(4+1) og Frjálslyndir 1 þingmann.   Þar sem Sjálfstæðisflokkur væri með fyrsta uppbótarmann, Samfylking annan, VG þriðja og Borgarahreyfing fjórða.

Og út frá þessu má sjá að ef Frjálslyndir væru með 1,55 í stuðul og Borgarhreyfing með 4,40 þá fengu Frjálslyndir 2 þingmenn en Borgarahreyfing 4.   Þá má á sömu forsendum gefa sér að Lýðræðishreyfingin hefði náð inn manni ef hún hefði verið með 0.55+ í stuðul.   En það er líklegra að kosningalög myndu kveða á um að til að eiga rétt á uppbótarmanni þá yrði listi að ná í það minnsta einum manni inn.   Í þessum kosningum að fá 2.971 atkvæði.

 

Þetta eru niðurstöður kosninganna (Heildaratkvæði á landsvísu/fjöldi þingmanna) með fjölda atkvæða á bak við hvern þingmann:  Og höfum fastann í huga, 2.971.   Deilum honum í atkvæðafjölda á bak við hvern þingmann og vægi hvers atkvæðis kemur í ljós.

Samfylking 55.758/20 = 2.788/K =  0,94

Sjálfstæðisflokkur  44.369/16 = 2.773/K = 0.93

Vinstri - Græn 40.580/14 = 2.898/K = 0.98

Framsókn 27.699/9 = 3.078/K = 1,04

Borgarahreyfing 13.519/4 = 3.380/K = 1,14

Frjálslyndir 4.148  Enginn þingmaður.   Sumir myndu segja að þetta væri stærsta óréttlætið!?

Lýðræðishreyfingin  1.107 Nær aldrei manni á þing.

 

Ef Landið hefði verið eitt kjördæmi og úthlutun þingmanna hefði verið eftir áður nefndum forsendum þá liti atkvæðavægið svona út....    

Samfylking 55.758/19 =  2.935/K = 0,99

Sjálfstæðisflokkur 44.369/15 = 2.958/K = 0,99

Vinstri-Græn 40.580/14 = 2.898/K = 0,98

Framsókn 27.699/9 = 3.078/K = 1,04

Borgarahreyfing 13.519/5 = 2.704/K = 0,91

Frjálslyndir 4.148/1 = 4.148/K = 1,40

Lýðræðishreyfingin 1.107 Nær ekki manni á þing.

 

Auðvitað eru þessar pælingar án ábyrgðar og frekar líklegra en hitt að í þessu séu villur þar sem síðuhaldari er ekki beinlínis neitt stærðfræðiséní!  :-)

En af þessu má sjá að hinir eiginlegu malbiks flokkar Sjálfstæðisflokkur og Samfylking hagnast í þessum kosningum af núverandi kjördæmaskipan og kosningakerfi.    Og bregður svo við að flokkurinn sem hefur hvað harðast barist gegn því réttlætismáli að hafa landið eitt kjördæmi er með næst mesta lýðræðishallann þegur kemur að vægi atkvæða.   Ætli Framsóknarflokkurinn sé ekki farinn að verða tilbúinn að takast í hendur við Samfylkingu og gera Ísland að einu Kjördæmi?   

 

Má ég líka?

Mikið óskaplega hló ég þegar ég sá þetta.        Ég væri alveg til í að komast á þennan lista.

VG að koma úr felum?!?

Atli Gíslason staðfesti það sem síðuhaldari hefur óttast lengi, að ESB málið geti orðið alvarlegur ásteytingarsteinn í komandi stjórnarmyndunarviðræðum VG og Samfylkingar.     Það er sorglegt til þess að hugsa að Vinstri - Græn með Steingrím, Atla og Kolbrúnu í broddi fylkingar munu ef til vill leiða þjóðina inn í verstu stjórnarkreppu sem hún hefur nokkurn tíma litið.   Því það er óhugsandi að VG starfi með Sjálfstæðisflokk.    Í fyrsta lagi eru þeir búnir að segja að það munu þeir ekki gera og í öðru lagi er málefnágreiningurinn svo stórkostlegur að það er ekki möguleiki að þeir myndu ná saman þó það renni ekki slefan á milli þeirra í ESB málinu....   Stórfurðulegur andskoti!

Samfylking mun ekki fara í ríkisstjórn nema hreint verði gengið til verks og það verði farið í aðildarviðræður hið snarasta.     Það er nákvæmlega ekkert sem kemur í veg fyrir þá staðfestu Samfylkingar.    Ef Samfylking gefur tommu eftir þá mun það aðeins þýða sjálfskipað pólitískt harakiri fyrir flokkinn.   Grasrót Samfylkingar mun ekki sætta sig við sömu mistökin tvisvar... svo mikið er víst.

Þannig að niðurstaðan er einföld.   Ef VG geta ekki hunskast til að fara eftir eigin landsfundarályktun og leyft þjóðinni að ráða þessu stóra máli þá stefnir bara beina leið í stjórnarkreppu.    

Ég var að enda við að horfa á Borgarafundinn á Selfossi á RÚV.     Sú sem kom mest á óvart þar var frambærilegur frambjóðandi Borgarahreyfingarinnar...  Margrét.    Hún sagði ósköp einfaldlega að þjóðin á að ráða því hvort gengið verður í ESB en ekki misvitrir 63 þingmenn við Austurvöll.   Vel mælt.    

VG ekki tilbúinn í aðildarviðræður í sumar

MP-Banki og Nýja Kaupþing

Hvaða hagsmuni er Nýja Kaupþing að verja?    Það er með öllu óskiljanlegt að Ríkisbanki geti hagað sér eins og villidýr á markaði.     Nýja Kaupþing var með einu pennastriki afhentir viðskiptavinir SPRON eins og þeir lögðu sig.    Enginn spurði þá!     Innlán eins og framtíðarreikningar barna eru endanlega bundnir í Nýja Kaupþing.   Hjá mörgum barnafjölskyldum hafa þessir reikningar verið stór hluti af reglulegum sparnaði og þar með stór hluti af viðskiptavild þeirra.    Þessi sparnaður og viðskiptavild er núna eign Nýja Kaupþings hvort sem fólki líkar betur eða ver.  

MP-Banki vill taka yfir hluta af viðskiptabankaneti SPRON og skapa þannig aukna samkeppni og meira úrval fyrir viðskiptavini.    Nýja Kaupþing er greinilega mikið í mun að hleypa ekki fleirum að hitunni sem fyrrverandi stór hópur viðskiptavina SPRON er.     Ætli sé verið að horfa til framtíðar og væntanlegrar endur einkavæðingar?

Er ekki einhver heiðarlegur Sparisjóður á lífi í landinu sem er í sínu upprunalega horfi?    

Ítrekar að kaupum sé aflýst

Alþingi nauðgað.

Sjálfstæðismenn höfðu sitt fram.   Þetta verður aldrei gleymt.    Fari þessi flokkur og allt sem hann stendur fyrir norður og niður.    Það hlakkar í LÍÚ klíkunni núna.    Það er endanlega opinbert að Sjálfstæðisflokkurinn gengur ekki erinda þjóðarinnar heldur þeirra sem þykjast eiga allt saman hérna skuldlaust, frá orkunni til síðasta skötusels í sjónum.    

Þegar  "Miðbæjaríhaldinu" er misboðið þá er eitthvað mikið að innan Sjálfstæðisflokks.   Mikið að.  

Stjórnarskrá ekki breytt

Að hengja bakara fyrir smið!

Það á greinilega að hengja Guðlaug Þór fyrir styrkjamálið.    Sjálfstæðisflokkurinn er alltaf í sama ruglinu.    Þegar meinið er flokkurinn sjálfur en ekki einstaklingarnir innan hans þráast  Flokksmaskínan við.     Réttast væri hjá Guðlaugi Þór að sitja sem fastast fram yfir kosningar og taka síðan til óspiltra málanna að upplýsa um alla hina sakleysingjanna.    Sakleysi Bjarna Ben. og Þorgerðar Katrínar er óþolandi að hlusta á.     Þau er fljót til að hengja sinn fyrrverandi formann til að bjarga eigin skinni og nú á að henda Guðlaugi Þór fyrir borð einnig.     Guðlaugur sittu sem fastast!

Var í beinu sambandi við bankastjóra

Er möguleiki?

Árið 2006 fær Samfylking 45 milljónir í fjárframlög.   25 til 30 milljónir af þeirri upphæð er frá bönkum og kjölfestufjárfestum í bönkunum.     Er möguleiki að svona stórt hlutfall af fjárframlögum úr fjármálageiranum til stjórnmálaflokks hafi aukið á meðvirkni stjórnmálamanna í garð fjármálafyrirtækja?    Samfylkingin þarf að spyrja sig þessarar spurningar.

Bullið hjá Sjálfstæðismönnum er svo sérkapituli út af fyrir sig.    Þeirra naflaskoðun felst því miður alltaf fyrst og fremst í því að negla einstaklinga.   Ekki að skoða stefnuna og hugmyndafræðina.   Hún er heilög í þeirra huga.   Þar liggur vandi Sjálfstæðisflokks.

Samfylking opnar bókhaldið 2006