Hægan nú!

Er það bara ég eða kemur þessi blessaði skólastjóri fyrir eins og henni finnist þetta bara ekki neitt einasta mál?   "Blásið upp...  gert of mikið úr meiðslum....   aukaatriði að gerandinn æfir hnefaleika...."   Talar eins og um minniháttar atvik hafi verið að ræða..  svona smá riflildi til að lífga upp á tilveruna!?   Hún segir ekki afgerandi og með ákveðni að skólayfirvöld líti málið alvarlegum augum og fullvissar foreldra um að umræddir gerendur verði undir smásjá eftir þetta.    Ekkert í þá áttina.    

Blóðug slagsmál skóladrengja

Athugasemdir

[Nemandi Grunnskólans í sandgerði (IP-tala skráð) 2.3.2009 kl. 18:01]

ég skal láta þig vita af því að skólastjórinn var nú bara allt annað en sáttur með þetta þar sem hann rauk inn í hverja stofuna á fætur annari og skammaði alla nemendur skólans sem að hvöttu drengina til dáði í þessum slagsmálum....hún gerir kanski lítið úr málinu fyrir framan myndavélina en ekki inni í skólastofu

kær kveðja.Nemandi Grunnskólans í sandgerði

[Lilja (IP-tala skráð) 2.3.2009 kl. 18:03]

Sammála. Mjög skrítin frétt.

Í fyrsta lagi kemur ekkert fram í skrifuðu fréttinni hvenær þetta gerðist.

Skólastjóri segir að þetta tengist ekki því að fórnarlambið var pólskur en í fréttinni kemur fram að hann var uppnefndur Polli af umræddum og fleirum. Þarna var greinilega stríðni eða einelti í gangi.

Einkennilegt að svo gott sem birta nafn þess sem mest beitti sér.

Er í alvöru verið að kjósa 14 ára nema sem íþróttamann bæjarfélags?!!

Fréttamönnum er hleypt inn í skóla að taka myndir og viðtöl um viðkvæmt efni. Gáfu

[Lilja (IP-tala skráð) 2.3.2009 kl. 18:09]

Sammála. Mjög skrítin frétt.

• Í fyrsta lagi kemur ekkert fram í skrifuðu fréttinni hvenær þetta gerðist. Hvernig stendur á því að skólastjórinn veit ekki um hversu miklir áverkarnir eru? Hefur hún ekkert rætt við foreldra drengsins?
• Skólastjóri segir að þetta tengist ekki því að fórnarlambið var pólskur en í fréttinni kemur fram að hann var uppnefndur Polli af umræddum og fleirum. Þarna var greinilega stríðni eða einelti í gangi.
• Einkennilegt að svo gott sem birta nafn þess sem mest beitti sér með því að segja að hann hafi verið kosinn Íþróttamaður Sandgerðis.
• Er í alvöru verið að kjósa 14 ára nema sem íþróttamann bæjarfélags?!!
• Fréttamönnum er hleypt inn í skóla að taka myndir og viðtöl um viðkvæmt efni. Gáfu foreldrar stúlkunnar sem rætt var við, leyfi til að taka viðtal við hana?
•  Annars er líka fróðlegt að vita hvað þarf mikla áverka til að lögregla sé kölluð til og  málið rannsakað af þar til bærum aðilum.

[Jón Helgi (IP-tala skráð) 2.3.2009 kl. 18:24]

Þetta eru fáráðnleg skilaboð sem skólastjórinn er að koma með þarna.  Henni ætti að vera tafarlaust vikið frá sem skólastjóra.

Börn þurfa að geta reitt sig á að ef að það lendir í drullusokkum eins og þessum boxaragaur, þá allavegana fái þau 100% stuðning frá starfsfólki skólans.  Ekki að skólastjórinn komi fram í fjölmiðlum og afsaki ofbeldið.  Að það sé afsakanlegt að leysa rifrildi með því að berja fólk til óbóta.

Hvernig haldið þið að foreldrum barna sem eru lögð í einelti líði að heyra þessa fásinnu?  Svo ekki sé talað um börnin sjálf?!

[Kristín (IP-tala skráð) 2.3.2009 kl. 18:25]

Mig langar aðeins að koma með innlegg inn í þessa umræðu þar sem ég er af suðurnesjum og tel að málið líti allt öðruvísi út frá lesendum þessara greinar en þetta atvik átti sér stað á fimmtudaginn og aldrei er talað um hvað fórnarlambið gerði áður en ráðist var á hann. Hann á jafnvel von á kæru sjálfur fyrir atvik sem átti sér stað áður og kemur það þess vegna ekkert málinu við að hann sé pólskur því það var einfaldlega ráðist á hann vegna þess hvað hann hafði gert áður. Og trúi ég því að það hefði verið ráðist á hann þótt hann hefði verið Íslendingur miðað við hvað hann gerði áður

[Hafsteinn (IP-tala skráð) 2.3.2009 kl. 19:13]

Kristín,

Það skiptir engu máli hvað fórnarlambið gerði áður en ráðist var á það.

Ekkert réttlætir líkamsárás og þá sérstaklega grófa líkamsárás þar sem þrír ráðast á einn.

Ef þessir drengir bera fyrir sig neyðarrétt (sjálfsvörn) fyrir íslenskum dómstólum þá verður hlegið að þeim. 

1. mgr. 12. gr. alm. hgnl. fjallar um neyðarétt og hljómar svo:

Það verk er refsilaust, sem menn vinna af neyðarvörn, að því leyti sem það hefur verið nauðsynlegt til þess að verjast eða afstýra ólögmætri árás, sem byrjuð er eða vofir yfir, enda hafi ekki verið beitt vörnum, sem séu augsýnilega hættulegri en árásin og tjón það, sem af henni mátti vænta, gaf ástæðu til.

Miðað við texta fréttarinnar þá efa ég að þetta ákvæði eigi hér við.

[Lilja (IP-tala skráð) 2.3.2009 kl. 19:54]

Hvað gerði fórnarlambið sem réttlætir svona?

Finna ekki alltaf ofbeldismenn afsökun fyrir hegðun sinni?

[Jón Halldór Eiríksson, 2.3.2009 kl. 21:55]

Takk öll fyrir innlegg.    Krístín... viðhorf þitt er út í hróa.   Hafsteinn og Lilja útskýra þetta vel.    Ofbeldismenn hafa alltaf svör á reiðum höndum sem réttlæta ófögnuðinn.. nema þeir séu algjörlega siðblindir.  

[rob (IP-tala skráð) 2.3.2009 kl. 22:29]

halló halló!!!! vil minna fólk á að það er verið að tala um BÖRN hérna.

[Hafsteinn (IP-tala skráð) 2.3.2009 kl. 22:54]

Rob,

Reyndar er verið að tala um 15 ára einstaklinga sem eru samkvæmt almennum hegningarlögum saknæmir.

Þessir drengir þurfa að axla ábyrgð á gjörðum sínum og læra sína lexíu. Það þarf skólastjórinn reyndar að gera, enda er oásættanlegt að opinber starfsmaður telji  grófa líkamsárás ekki vera neitt alltof alvarlegan hlut.

[nafnlausa gungan (IP-tala skráð) 3.3.2009 kl. 01:20]

Iss...Þetta mál er dæmigert fyrir suðurnesin, biblíubelti íslands. Gleymum því ekki að við erum hér að tala um bæjarfélagið sem mótmælti fyrir utan húsið hjá hinni rammfölsku og athyglissveltu Indversku prinsessu, Leoncie. 

Nú hafa sandgerðingar fengið aðgang að internetinu og geta því notað hina gömlu möntru sína þar: "þú ert aðkomumaður, auðvitað skilur þú ekki hvers vegna maðurinn var barinn í buff".  Þetta hjólhýsapakk þarna suðurfrá skilur nefnilega ekki grunnstoðir siðmenningar. 

[heidar (IP-tala skráð) 3.3.2009 kl. 13:11]

quote. "Hann á jafnvel von á kæru sjálfur fyrir atvik sem átti sér stað áður" . Kristín

Eitthver sem getur sagt frá því hvað það var sem fórnarlambið átti að hafa gert til að " verðskulda" þessa áverka ?

[lilja (IP-tala skráð) 3.3.2009 kl. 13:12]

Vísir, 02. mar. 2009 15:22

Barnaboxari ósakhæfur

Unglingar æfa box. Athugið að myndin tengist ekki efni fréttarinnar.

Boxarinn og félagi hans sem gengu í skrokk á samnemanda sínum, eru ósakhæfir sökum aldurs samkvæmt upplýsingum sem fengust frá lögreglunni á Suðurnesjum. Um er að ræða stórfellda líkamsárás sem átti sér stað á fimmtudaginn í síðustu viku í grunnskólanum á Sandgerði. Það var RÚV sem greindi fyrst frá málinu.

Lögreglan var kvödd á vettvang þegar tilkynning barst um stórfellda líkamsárás í Grunnskólanum í Sandgerði. Þá höfðu tveir fjórtán ára piltar lamið samnemanda sinn verulega illa. Annar þeirra sem tók þátt í árásinni æfir box og hefur náð talsverðum árangri í íþróttinni. Hann var útnefndur sem íþróttamaður ársins í Sandgerði árið 2007 vegna hæfileika sinna í íþróttinni.

Pilturinn sem þeir gengu í skrokk á slasaðist talsvert í árásinni en hann nefbrotnaði auk þess að fá heilahristing. Þá missti hann heyrn á öðru eyra og tönn losnaði.

Málinu hefur verið vísað til félagsmálayfirvalda í Reykjanesbæ en forvarnafulltrúi lögreglunnar og skólayfirvöld koma einnig að lausn málsins.