VG að koma úr felum?!?

Atli Gíslason staðfesti það sem síðuhaldari hefur óttast lengi, að ESB málið geti orðið alvarlegur ásteytingarsteinn í komandi stjórnarmyndunarviðræðum VG og Samfylkingar.     Það er sorglegt til þess að hugsa að Vinstri - Græn með Steingrím, Atla og Kolbrúnu í broddi fylkingar munu ef til vill leiða þjóðina inn í verstu stjórnarkreppu sem hún hefur nokkurn tíma litið.   Því það er óhugsandi að VG starfi með Sjálfstæðisflokk.    Í fyrsta lagi eru þeir búnir að segja að það munu þeir ekki gera og í öðru lagi er málefnágreiningurinn svo stórkostlegur að það er ekki möguleiki að þeir myndu ná saman þó það renni ekki slefan á milli þeirra í ESB málinu....   Stórfurðulegur andskoti!

Samfylking mun ekki fara í ríkisstjórn nema hreint verði gengið til verks og það verði farið í aðildarviðræður hið snarasta.     Það er nákvæmlega ekkert sem kemur í veg fyrir þá staðfestu Samfylkingar.    Ef Samfylking gefur tommu eftir þá mun það aðeins þýða sjálfskipað pólitískt harakiri fyrir flokkinn.   Grasrót Samfylkingar mun ekki sætta sig við sömu mistökin tvisvar... svo mikið er víst.

Þannig að niðurstaðan er einföld.   Ef VG geta ekki hunskast til að fara eftir eigin landsfundarályktun og leyft þjóðinni að ráða þessu stóra máli þá stefnir bara beina leið í stjórnarkreppu.    

Ég var að enda við að horfa á Borgarafundinn á Selfossi á RÚV.     Sú sem kom mest á óvart þar var frambærilegur frambjóðandi Borgarahreyfingarinnar...  Margrét.    Hún sagði ósköp einfaldlega að þjóðin á að ráða því hvort gengið verður í ESB en ekki misvitrir 63 þingmenn við Austurvöll.   Vel mælt.    

VG ekki tilbúinn í aðildarviðræður í sumar

Athugasemdir

[Jón Gunnar Bjarkan, 21.4.2009 kl. 03:13]

Ég hef nú reyndar verið að spá í þessu með VG og Sjálfstæðisflokk. Ef svo verður sem allt lítur út fyrir, að Samfylking sitji áfram í ríkisstjórn með anti-ESB flokki og ESB aðild verði sópað undir teppið enn og aftur(og ef svo verður þá verður þetta í síðasta sinn sem ég kýs samfylkinguna), hvað ætla þá til dæmis Steingrímur eða Bjarni Ben að segja við Alþjóðgjaldeyrissjóðinn. Nú þegar virðist vera að færast harka þar í leikinn og að AGS hafi neitað að borga út síðasta lán.

AGS mun strax eftir kosningar setjast niður með ríkisstjórninni, hver svo sem hún verður, og spyrja þessarar augljósu spurningar: Hver er peningastefnan?

Menn á vegum sjóðsins kunna alveg sitt fag í hagfræði og viðskiptum, annað en með þjóðinni þá munu þeir ekkert láta bjóða sér neitt rugl í þeim efnum. Öllu bulli um Norska krónu, Svissneskan Franka, upptöku Evru í gegnum AGS eða myntsamstarf við Tæland með tælenska rúblu mun verða kastað aftur í hausinn á Steingrími og Bjarna, dautt mál, blöffið kallað.  Það er alveg ljóst að þeir fá þá ekki meira lán þaðan. Hvað mun þá verða um alþjóðlegt orðspor okkar á lánamörkuðm ef það spyrst út að meira segja AGS sé nú búinn að missa traust á okkur og hættur að lána? Ef VG og Sjálfstæðisflokkur verða í ríkisstjórn og halda áfram að berja hausinum í steininn í ESB, nú þá eru bara tvær aðrar leiðir til. Annaðhvort að koma til móts við AGS þá með því að selja orkuauðlindarnar og fiskikvótana. Nú eða þá að hafna ESB, sparka út AGS og neita borga, missa fyrirtækin úr landi og þola aðra holskeflu sem mun í þetta skiptið þýða raunverulegt gjaldþrot þjóðarinnar.

Ég skil ekki einu sinni hvernig nokkrum manni dettur í hug að kjósa VG eða Sjálfstæðisflokkinn á meðan þeir eru andvígir ESB aðild, hvað þá að þeir séu á mótið aðildarviðræðum sjálfum.

[Marteinn Unnar Heiðarsson, 21.4.2009 kl. 05:18]

Manni er farið að gruna að sambó hafi lofað ESB ráðherrunum eitthvað og þegið mútur styrki frá ESB í staðin og sama má sega um formenn ASÍ og marga aðra sem lofa ESB í hástert allavega er þetta fólk ekki að hugsa um hag þjóðarinnar það er einhverjar skrýtnar kendir þar að baki!!!!Afhverju vill þetta fólk ekki ræða um Dollar sem gengi fljótar fyrir sig og ekki þarf að láta fullveldi landsins á móti einsog sambó og ASÍ vilja gera.Það þarf ekki að fara í aðildarviðræður við vitum um 98% reglunum og hvað við fáum en það eru þessi 2% sem eru aðalmálið og allt snýst um .Það er nóg að senda 2 fúlltrúa þarna út til Brussel með eitt bréf sem í stendur þetta er það sem við viljum halda að fullu hér semsagt fiskimiðin-landbúnaðurinn-og okkar dýrmæta orka og náttúra og hvað viljið þið gera?ekki einfaldara.Og svarið verður stutt og laggott frá ESB farið bara heim aftur við höfum ekkert við ykkur að tala.Muna bara að kjósa ekki þennan spyllinga flokk sem vil afsala okkar sjálfstæði.

[Valsól (IP-tala skráð) 21.4.2009 kl. 08:29]

Sammála. Nú verða allir að kjósa Samfylkinguna, það er eina leiðin. Hinir flokkarnir eru með svo arfavitlausa stefnu í peningamálum að AGS hefur ákveðið að fresta næstu greiðslu lánsins til íslands. Það eru grafalvarlegir tímar, þar sem afturhaldsdrullusokkar eru til í að setja landið í glötun bara til að geta haldið í skoðun sína. Ef Samfylkigin fær ekki glymrandi kosningu þá hefur þvúi miður tekist að afvegaleiða þjóðina.

[Magnús Bjarnason (IP-tala skráð) 21.4.2009 kl. 09:02]

Ég er sammála þér, en ég er aðeins svartsýnni. Ég er kominn á þá skoðun að hér verði hreinn íhaldsstjórn eftir kosningar, sem mun boða píningsdóm hinn seinni.

[Árni Björn Guðjónsson, 21.4.2009 kl. 09:02]

Valkostur Samfylkingar verður þá Borgarahreyfingin í ríkisstjórn. Buast má við að Borgarahreyfingin fái 8 þingmenn kosna á þing.

[Loopman, 21.4.2009 kl. 09:44]

Borgarahreyfingin vill EKKI ESB. Þetta eru aðalega lið úr arti fartí væng VG. Ég frétti af einum náunga sem reyndi að starfa með þeim og sagði að þeir yrðu að skoða ESB, og þá var hann hrópaður niður á einhverjum fundi og það sem meira var að fólkið þar vað skapvont og reiddist mikið við að heyra á þetta minnst. Hann sagðist aldrei hafa séð annað eins upphlaup við einni spurningu. Borgarahreyfingin sendi honum ekki tölvupóst aftur :)

Rugludallar. 

Svo voru þeir víst að leita að fólki til að vera á lista, og náðu í Þráinn Bertels, sem er argasti framsóknarmaður og atvinnupólitíkus... Ekki trúverðugt.

[Ína (IP-tala skráð) 21.4.2009 kl. 10:15]

Samfylking verður að verða langstærsti flokkur eftir kosningar. Ef ekki tekst að semja um að fara í aðildarviðræður við ESB á Samfylking ekki að fara í ríkisstjórn.

Þá er líka eins gott að koma sér úr landi sem fyrst því hérna verður ekki hægt að lifa mannsæmandi lífi. Það er svo einfalt.

[Ásmundur (IP-tala skráð) 21.4.2009 kl. 10:58]

Hver er ásteytingarsteinninn varðandi ESB.

Er möguleiki á að það sé mismunandi túlkun á hvað er þjóð. Er þjóð eitthvað skylt við fólkið í landinu.

ESB sinnar eru að vinna fyrir fólkið í landinu en andstæðingar ESB eru að vinna fyrir þjóðina eða er það öfugt. Hvort er mikilvægara þjóðin eða fólkið.

[Brjánn Guðjónsson, 21.4.2009 kl. 11:05]

af vef Borgarahreyfingarinnar http://www.borgarahreyfingin.is/stefnan/

„2. Leitað verði leiða út úr myntvanda Íslands með myntbandalagi við aðrar þjóðir eða, ef þess þarf, einhliða upptöku annars gjaldmiðils.“

ég sé hvorki í þessum texta, né annarsstaðar í stefnuskránni, að Evrópusambandsaðild sé útilokuð.

[Jóhannes (IP-tala skráð) 21.4.2009 kl. 12:06]

Samfylkingin er núna að keyra hárrétta strategíu, þ.e. bæði Jóhanna í Zetunni og Björgvin á Borgarafundinum. Ef hún heldur sig við það ófrávíkjanlega skilyrði að ESB aðildarviðræður fari sem fyrst fram eftir kosningar, með hverjum sem það er, mun flokkurinn fá mörg vafaatkvæði úr öðrum flokkum þegar á hólminn er komið. Þetta gefur stuðningsmönnum annarra flokka að færi á að breyta til vegna þessa stærsta hagsmunamáls íslensku þjóðarinnar. Og kosturinn er sá að það er verið að þvinga fram lýðræðislega afstöðu - sem er að fá að greiða atvæði um raunverulegan aðildarsamning í þjóðaratkvæðagreiðsu, nokkuð sem aðrir flokkar eru í raun á móti.

Ef Samfylkingin hinsvegar stingur ESB málinu undir stól aftur fremur hann pólitískt sjálfsmorð gagnvart þeim fjölda sem kýs flokkinn vegna ESB stefnunnar.

[Jón Halldór Eiríksson, 22.4.2009 kl. 10:39]

Þakka ykkur öllum sem lögðu orð í belg hér.