Hvert á að fara?

Gröfturinn heldur áfram að vella út úr íslensku viðskiptalífi.   Og verður örugglega ekkert lát á.    Síðasta útspil Kaupþings er auðvitað hneisa.    Enda er þetta að snúast í öndverðu sína fyrir Skaupþing.

Eftir að SPRON fór á hausinn þá "lenti" ég í Kaupþing að mér óforspurðum.   Hef hangið þar af einfaldri ástæðu.   Hvert á að fara?    Glitnir?  Landsbankann?  Byr?     Það er alveg sama hvert er litið. Allt bankakerfið er sundurrotið og sama græðgisspillingin er búin að viðgangast alls staðar.

Mér hefur einna helst staðið hugur til Byrs en Byr er sama marki brenndur og SPRON (RIP).   Græðgisöflin komust með puttana í heiðvirða Sparisjóði og eyðilögðu þá sama bullinu og viðgekkst alls staðar í bankakerfinu.

Það er sama hvar borið er niður í bankakerfinu.   Alls staðar vellur út grænn og viðbjóðslegur gröfturinn.    Ég sé bara ekki að viðskiptum mínum sé eitthvað betur borgið hjá Glitnir eða Landsbankanum eða öðrum íslenskum bankastofnunum af því að það er svo mikil spilling í Kaupþing.  Ætlar einhver að halda því fram að Glitnir og Landsbankinn séu betri kostir af því spillingin var og er minni þar?

Nei... ef ég skipti um bankastofnun þá verður það öðrum ástæðum en því að það sé svo mikil spilling hjá Kaupþing!    Þeir sem gera það....   O... jæja.   Gott fyrir þá!  Um að gera.   En það er til málstæki sem segir...  Að fara úr öskunni í eldinn.

Netverjar æfir yfir lögbanni

Ég sakna Heimabanka SPRON!

Jæja... best að væla aðeins!

Ég sakna bankans míns!   Ég sakna SPRON!   Ég sakna Heimabanka SPRON og verð að segja að eftir að hafa reynt að fóta mig í Netbanka Kaupþings að bíttin er slæm.   Mæli með að Kaupþing taki upp gamla Heimabanka umhverfi SPRON...:-)     Netbankinn hjá Kaupþing rennur einhvern veginn í einn graut sem erfitt er að átta sig á.  Svart/hvítt útlitið er fráhrindandi og Forsíðan sem er eins og andyrið inn í bankann þinn er einkar flókin, óaðlaðandi og óspennandi.   

Svo finnst mér eins og öryggið í Netbanka Kaupþings sé ekki eins gott og það var hjá SPRON.      Nú súpa kerfisfræðingar Kaupþings örugglega hveljur.      Ég byggi þetta bara á tilfinningu en ekki sérfræðiþekkingu!    Skilin á milli Netbankans og Heimasíðu Kaupþings þurfa að vera miklu skýrari að mínu mati.    Viðskiptavinurinn þarf að hafa á tilfinningunni að þegar hann "loggar" sig inn í Netbankann að hann sé kominn í Bankann!    Þessi skil voru skilmerkileg hjá Heimabanka SPRON.

Ég hugsa að það sem mun ráða mestu hjá mér í framtíðinni um hvað viðskiptabanka ég vel er hversu vel mér líkar Netbanki viðkomandi banka.    Fólk er farið í æ meira mæli að stunda sín bankaviðskipti á Netinu.    Netbankarnir eru framtíðin.      Tækifærin til að laða að sér viðskiptavini felast í frábærri þjónustu á þessu sviði.

Væli (Málefnaleg Gagnrýni.. )  og sorgarferli lokið.   

RIP Heimabanki SPRON.    

.. ég verð víst að læra á stóra fráhrindandi báknið hjá Risanum Kaupþing hvort sem mér líkar betur eða ver.. .

Langar að segja ég hef hitt á frábært fólk og frábæra þjónustu hjá Nýja Kaupþing í þjónustuverinu og einstaklingsþjónustu nýja bankans míns.     Gagnrýni mín á Netbankann hefur ekkert með þann þátt að gera.

Friður...   

Ábyrgð Tannlækna.

Tannlæknar þreytast ekki á að kenna stjórnvöldum um hvernig komið er fyrir tönnum barna á Íslandi.   Hvernig væri að þeir færu að líta í eiginn barm?    Tannlæknafélag Íslands hefur varið óheyrilega og svívirðilega verðskrá með blóði og svita í skjóli frjálshyggju og græðgi.      Ábyrgð og stefna stjórnvalda er augljós.   Það deilir enginn um það.    En hvað ætli margir tannlæknar hafi kosið stjórnvöldin sem réðu hér ríkjum í 18 ár og gerðu heiðarlega tilraun til að breyta Íslandi í Litlu Ameríku?

Sofna ekki án verkjalyfja