Peðunum fórnað.

Heilög vandlæting og skinhelgi Bjarna Ben. í  framlaga hneysklinu er aumkunarverð eða í besta falli hlægileg.      Allt til þess fallið til að bjarga eigin skinni.    Hver trúir því að 95% af þingflokki sjálfstæðismanna hafi ekki haft hugmynd um þessa styrki?

Andri hættir störfum

Hvíti Riddarinn.

Æii...  Guðlaugur Þór er alltaf svo saklaus greyið.   Sakleysinginn sem var upphafsmaður REI.   Og nú er hvítþvotturinn þannig að hann talaði við mann sem talaði við mann.     Ergó...   kom ekki nálægt einu né neinu.

Come on.....   give me a break!    Nú munu frambjóðendur Sjálfstæðisflokks falla um hvern annann þveran að sverja af sér ósómann.     

Guðlaugur Þór: Ég óskaði ekki eftir styrk

Skötulíki

ESB stefna Sjálfstæðisflokks er komin í leitirnar.     Hún er í skötulíki.    Ekki við öðru að búast.   ESB andstæðingar höfðu sitt fram.   Sjálfstæðisflokkurinn verður eftir sem áður andstæðingur aðildar að ESB.   Þá er það komið endanlega á hreint!     Alveg magnað hvernig kvótaklíkan hefur þennan flokk í vasanum.   Og alveg magnað að restin af atvinnuvegum og viðskiptalífi Íslands sem sér málið öðrum augum skuli styðja og kjósa flokk sem beinlínis gengur gegn iðnaði og útflutningsvegum Íslands.   Það verður fróðlegt að sjá Vilhjálm Egilsson hjá Samtökum Atvinnulífsins svara fyrir þessa stefnu.

Í desember síðastliðnum skrifaði ég þetta:        Í þessari færslu.

" Ástæðan fyrir því að ég set ekki á aðgerðarlista að sækja um aðild að Evrópusambandinu er einfaldlega sú að fyrr mun frjósa í helvíti en að þessi ríkisstjórn geti komið sér saman um að sækja um aðild að ESB.    Það þarf nýja ríkisstjórn til þess.     Evrópuumræðan hjá Sjálfstæðiflokk er öll í skötulíki og það sem kemur út úr næsta landsfundi hjá þeim verður skyrhræringur áttjándu aldar af verstu gerð."

Svokallað hagsmunamat Sjálfstæðisflokks stýrist fyrst og síðast af því að Kvóta- og Eignaklíkan á Íslandi missi ekki spón úr aski sínum.   Guð forði þeim frá því að landið færist til jöfnuðar og meira réttlætis.    Og það sem verst er af öllu að öflin sem styðja hina ríku sem mest í eiginhagsmunagæslunni er flokkurinn sem á gæta hagsmuna verkalýðsins og hinna sem bera minnst úr býtum.....  Vinstri - Grænir.     Ég segi bara eins og Jónas Kristjánsson....  Fábjánar!

Má ég biðja um 25% en ekki 100%!

Edda Rós segir að ESB aðild og Evran sé engin töfralausn.    Sammála.     En má ég þá biðja frekar um 25% hækkun á gjaldeyrislánum í efnahagslægð en 120% hækkun!

Evran er ekki töfralausn

Ályktun VG um ESB

Ályktun VG um ESB  er neðanmálsgrein í langloku ályktun um utanríkismál.   Ekki við öðru að búast frá VG.   En svona lítur þetta út hjá þeim:

Evrópumál

Vinstrihreyfingin - grænt framboð telur nú sem fyrr að hagsmunum Íslands sé best borgið utan Evrópusambandsins.  Sjálfsagt er og brýnt að fram fari opin og lýðræðisleg umræða um samskipti Íslands og sambandsins. Landsfundur VG leggur áherslu á að aðild íslands að ESB eigi að leiða til lykta í þjóðaratkvæðagreiðslu. Landsfundur telur mikilvægt að fyrirkomulag þjóðaratkvæðagreiðslu fái rækilega umræðu og að hliðsjón verði höfð af væntanlegum stjórnarskrábreytingum og hvað eðlilegt getur talist þegar afdrifaríkar ákvarðanir eru teknar um framsal og fullveldi.

Með þessari ályktun er VG að teygja lopann og reyna að tryggja að ekki verði sótt um aðild næstu fjögur árin.   Samkvæmt þessu á að bíða eftir nýrri stjórnarskrá og þá á að ræða fyrirkomulag þjóðaratkvæðagreiðslu.    Yfirlýsingin gefur engin afdráttarlaus svör um tillhögun aðildarumsóknar nema það augljósa að þjóðin kjósi um aðildina! Sem verður ekki túlkað öðru vísi en svo að það verður krafa VG að hér verði tvöföld þjóðaratkvæðagreiðsla.  Fyrst um aðildarspurninguna og svo um aðildarsamninginn.  

Það er skýlaus krafa flestra sem kjósa Samfylkinguna í það minnsta að næsta ríkisstjórn gangi tafarlaust til viðræðna við ESB og samningar verði til lykta leiddir og aðildarsamningur verði lagður fyrir þjóðina innan tveggja ára.    Mun VG sætta sig við þann hraða?   Held ekki.   Mín tilfinning er að VG ætlar ekki að taka þátt í að sækja um aðild að ESB.    Svo einfalt er það.    Þetta mun því miður verða ásteytingarsteinn í komandi stjórnarmyndunarviðræðum.   Því miður.    Ef Samfylking tekur þátt í annarri ríkisstjórn þar sem ESB umsókn er sett í salt þá fremur flokkurinn pólitískt Harakiri.

Svona strákur minn!

Heldur finnst mér Össur tala niður til Jóns Baldvins.      Mæring Össurar á JBH er ótrúverðug og frekar til þess að snúa hnífnum í sárinu.    Það er kannski satt sem Kolfinna Baldvins segir að sumir innan Samfylkingar séu eins og heimaríkir hundar og verji sitt svæði með kjafti og klóm.    Pistill Össurar er yfirlætislegt klapp á kollinn á jafningja sem hefur orðið undir í pólitíska leðjuslagnum.   Ósmekklegur fjandi.   

Birtingarmynd

Arðgreiðslur HB Granda  er helber birtingarmynd græðgis- og auðhyggjufrjálshyggjunnar.    Grimmdin og siðleysið opinberast í Kreppunni sem aldrei fyrr.   Hvernig er hægt að réttlæta arðgreiðslur til eigenda þegar hinu sömu eigendur eru búnir að grátbiðja um að kjarasamningar séu afturkallaðir til að bjarga fyrirtækinu frá falli.     Þetta verður að stoppa.    Ef verkalýðsforustan lætur þetta yfir sig ganga þá er hún steingeld.   Gjörsamlega handónýt og alveg eins gott að leggja niður verkalýðsfélögin ef HB Grandi kemstu upp með þessa svívirðu.  

Heigulsháttur

Stórfurðulegur pistill Róbert Marshall hér.   Skil ekki af hverju það kemur svona við kauninn á honum að Egill hafi bent á það augljósa!    Held að Róbert ætti að opna fyrir komment á sinni bloggsíðu áður en hann rakkar Egil niður fyrir sitt blogg.    Ömurlegt hvernig hann alhæfir um fólk sem les bloggið hans og spjallar þar.     Ætli Róbert sé öfundsjúkur yfir vinsældum Egils?      Og .. af hverju er Egill vinsæll?  Er það vegna þess að hann hlustar á alla?    Missti allt álit á Róbert Marshall með þessum pistli.   Pirrar mig að þessi maður skuli vera í framboði fyrir Samfylkingu!   Ég myndi segja Róbert að þegja á kjarnyrtri Vestmannaeysku ef ekki væri fyrir það augljósa... það á bara ekki heima á prenti. 

Útrásarvíkingar byrjið að skjálfa

Loksins Loksins eru við komin með manneskju sem getur hrist upp í þjóðfélaginu.   Mér segir svo hugur að nú verði öllum steinum velt við.    Ef Eva Joly fær vinnufrið og fjármagn sem þarf til.

Gagnrýnir fámenna rannsókn

Jónas Dramadrotting

Jónas samur við sig.