Bókhaldsklám!

Það er með ólíkindum hvernig hagfræðingar geta hringlað í hausamótum Landans.    Tryggvi  Herbertsson sakar þá hagfræðinga sem hafa verið í því að upplýsa þjóðina undanfarna mánuði um Kreppuklám.     Ætli útskýringar hans séu þá Bókhaldsklám?    Sama bókhaldsklámið og kom þjóðinni á vonarvöl....   Það er sennilega svo.

Hvað sem öllum mínusum og plúsum í bókhaldi líður,  þá þarf að borga vexti af því sem er tekið að láni.  Ætli það sé aukaatriði í huga Tryggva Herbertssonar.     Maðurinn sem sagði korteri fyrir hrun að fyrr myndi frjósa í helvíti en allt færi til andskotans (orðskrúð er útfærsla bloggareiganda!) er vart treystandi að leggja mat á stöðuna.   Í hans huga er þetta bara allt ennþá í "honkí dorí".    Já... einmitt!

Erlendar skuldir þjóðinni ofviða

Athugasemdir

[Björgmundur Örn Guðmundsson, 17.2.2009 kl. 00:37]

Ég ætla ekki að verja hann en sagði hann ekki að lánið væri í banka í USA á vöxtum? spurning hvort það séu sömu vextir og við þurfum að greiða....

Bara að velta þessu fyrir mér.

[Marinó G. Njálsson, 17.2.2009 kl. 00:56]

Ég held að Tryggvi hafi í sjálfu sér ekki verið að segja neitt annað en aðrir.  Hann skoðar skuldir umfram eignir.  Skuldir þjóðarinnar eru samkvæmt hans tölu örugglega  eitthvað í kringum 2.000 milljarða.

Ég tók samt eftir einni villu í tölunum hans.  Skuldabréf smærri fjármálafyrirtækja, sem ríkið "keypti" af Seðlabankanum, voru upp á 345 milljarða.  Ríkið fékk 75 milljarða afslátt hjá Seðlabankanum, en ákvað svo að afskrifa allt nema 50 milljarða.  Þannig að ríkið reiknar ekki með að 50% af 270 milljörðum innheimtist.  Tryggingarnar sem fjármálafyrirtækin eru búin að leggja fram hjá Seðlabankanum, eru ekki í staðinn fyrir þessi bréf, heldur til tryggingar á lánum sem ennþá eru í gangi hjá Seðlabankanum.

[Eygló, 17.2.2009 kl. 00:57]

Karlálfurinn tók það reyndar fram áður en spyrjanda gafst tími til, að hann "hefði nú harðneitað, skömmu fyrir fall, að málin væru svo alvarleg sem reyndust.

Hann tók líka fram, eins og BÖG nefnir, að stærstu lánin væru í formi stuðnings/bakhjarls/neyðarsjóðs og kæmi vonandi aldrei til með að verða notuð því þá færu vextir að "mjatlast"

[Jón Halldór Eiríksson, 17.2.2009 kl. 01:12]

Takk fyrir góð innlegg.