Hjákátlegt

Nei... getur það verið að núverandi seðlabankastjórum finnist nýtt frumvarp um Seðlabanka glatað!   Ég bara trúi þessu ekki.    Til hvers í ósköpunum að vera kalla þessa menn fyrir Viðskiptanefnd.

Gagnrýna Seðlabankafrumvarp

Athugasemdir

[Guðjón Þórir Yngvason (IP-tala skráð) 17.2.2009 kl. 10:13]

Lestu frumvarpið og þá sérðu hversu mikil hrákasmíði er á því. 

Þessi frumvarpsbastarður gerður fjármálalega stöðu landsins verri en hún er núna, sama hvaða skoðun menn hafa á Davíð.

[Arnar (IP-tala skráð) 17.2.2009 kl. 10:50]

Guðjón Þórir

Ég hef bæði lesið frumvarpið, athugasemdir við það á þingi, athugasemdir Alþjóðagjaldeyrissjóðsins og svo þær efnislegu athugasemdir sem greina má í gegnum ákveðinn skæting í umsögn Seðlabankans og niðurstaðan er þessi:

Meginefni frumvarpsins er skref í rétta átt, þ.e. faglega skipuð Peningastefnunefnd og auglýsing eftir bankastjóra með skilgreinda hæfni. Allir umsagnaraðilar (þingmenn meðtaldir) benda á sömu útfærsluatriðin sem viðskiptanefnd þarf að gera úrbætur á í sínum meðförum áður en frumvarpið verður að lögum. Það einfaldar verk hennar en flækir það ekki.

Viðskiptaráðherra útskýrði á mannamáli hve miklu traust skiptir við endurreisn fjármálakerfisins og þar er traust á stjórn Seðlabankans lykilatriði. Er einhver þeirra sem talar gegn þessu frumvarpi eða berst við að tefja framgang þess að halda því fram að stjórn Seðlabankans geti að óbreyttu endurheimt traust innanlands eða utan?  Þeir sem berjast gegn breytingunum á Seðlabankanum virðast pikkfastir í því að einblína á eina nafngreinda persónu og halda að allt snúist um hana. Þegar við horfum á atvinnulíf okkar annarsvegar og nauðsyn þess að hér komist á lappirnar fjármálakerfi sem hefur traust og burði til að þjónusta það og forða algeru hruni er þessi persóna sem þú nefnir því miður algert aukaatriði og ekki beðin um stærri fórn en þúsundir landsmanna eru að færa í hverjum mánuði.

[Guðjón Þórir Yngvason (IP-tala skráð) 17.2.2009 kl. 11:11]

Já, en Arnar minn, lestu athugasemdir frá einum umsagnaraðilnum; Seðlabankanum, um frumvarpið.  Það er ekki víst að þú gefir mikið fyrir þær og að þú sért einn af grjóthörðum andstæðingum Davíðs, en þær eiga rétt á sér, því það eru margar hliðar á hverju máli................

[Guðjón Þórir Yngvason (IP-tala skráð) 17.2.2009 kl. 11:14]

...og Arnar, þó að Davíð fari og að þessi frumvarpsskrípalingur um Seðlabankann nái fram að ganga, þá mun það ekki hafa nein áhrif til batnaðar til að endurvekja traust á fjármálakerfi landsins, þvert á móti gæti það haft þveröfug áhrif.  Það á eftir að standa styr um það, hver eigi að verða seðlabankastjóri og það er eins víst að "pólitískur" rétttrúnaður ráði þar för......

[Jón Halldór Eiríksson, 17.2.2009 kl. 13:03]

Guðjón..  ég þarf ekkert að lesa frumvarpið til að hafa skoðun á því hversu fáranlegt eða í besta falli hjákátlegt að núverandi seðlabankastjórar skuli finnast nýtt frumvarp glatað.    Frumvarp sem er til komið vegna þess að allt traust er farið og nauðsynlegt er að skipta um stjórn.

Stofnanir brugðust.   Að krefjast breytinga yfirstjórnar í því ljósi hefur ekkert með persónur að gera.     Það á að skipta um stjórnendur í lykilstofnunum fjármálakerfisins.     Svo er allt annað mál hvaða álit fólk almennt hefur á þeim sem leiddu og/eða leiða grunnstoðir fjármálageirans.