Nei... Hættu nú!

Er ekki mál að linni.       Hvernig endar þessi vitleysa.    Þessi maður ætlar að flækjast fyrir ríkisstjórninni eins mikið og hann mögulega getur. 

Hjákátlegt

Nei... getur það verið að núverandi seðlabankastjórum finnist nýtt frumvarp um Seðlabanka glatað!   Ég bara trúi þessu ekki.    Til hvers í ósköpunum að vera kalla þessa menn fyrir Viðskiptanefnd.

Gagnrýna Seðlabankafrumvarp

Bókhaldsklám!

Það er með ólíkindum hvernig hagfræðingar geta hringlað í hausamótum Landans.    Tryggvi  Herbertsson sakar þá hagfræðinga sem hafa verið í því að upplýsa þjóðina undanfarna mánuði um Kreppuklám.     Ætli útskýringar hans séu þá Bókhaldsklám?    Sama bókhaldsklámið og kom þjóðinni á vonarvöl....   Það er sennilega svo.

Hvað sem öllum mínusum og plúsum í bókhaldi líður,  þá þarf að borga vexti af því sem er tekið að láni.  Ætli það sé aukaatriði í huga Tryggva Herbertssonar.     Maðurinn sem sagði korteri fyrir hrun að fyrr myndi frjósa í helvíti en allt færi til andskotans (orðskrúð er útfærsla bloggareiganda!) er vart treystandi að leggja mat á stöðuna.   Í hans huga er þetta bara allt ennþá í "honkí dorí".    Já... einmitt!

Erlendar skuldir þjóðinni ofviða

Kemur ekki á óvart.

Eiríkur er í refskák.    Þetta útspil hjá honum er bara refskák.     En Jóhanna lætur ekki slá sig út af laginu.   Hún hefur verið mjög skýr í fyrirætlunum sínum og ef einhver er fylginn sér þá er það Jóhanna Sigurðardóttir.     Vonandi koma nýju lögin fljótt til afgreiðslu.    Ekkert óeðlilegt er að frumvarpið taki breytingum í meðförum þingsins.   Ég get tekið undir gagnrýni Framsóknar með menntunarákvæði Seðlabankastjóra.   Það þarf að útvíkka það.     Til er eitthvað orðalag sem heitir æskilegt..  og er notað mikið í atvinnuauglýsingum.    Það er æskilegt að orða það þannig!! 

Vill að Eiríkur hætti strax

Forvitinn.

Ætla Eiríkur og Ingimundur að semja um minni starfslokagreiðslur en þeir eiga rétt á eins og Forstætisráðherra biðlaði til þeirra með?   Veit ekki nákvæmlega hversu mikið er eftir að samningum þeirra en það er fróðlegt að vita hvaða fyrirætlanir þeir hafa í þeim efnum.    Þegar þær upplýsingar eru á hreinu þá er hægt að mynda sér heildarskoðun á uppsögnum þeirra.

Eiríkur hættir í júní

Skítlegt eðli.

Þetta var fyrirséð.  Maðurinn er eins og mara á samfélaginu.   Hann sér enga ábyrgð hjá sjálfum sér.   Þetta embættismannakjaftæði í bréfinu hans er aumkunarvert svo ekki sé sterkar að orði kveðið.  Bréfið lýsir líka hversu einangraður þessi maður er.   Hann býr í eigin heimi.   

Nú verður núverandi ríkisstjórn ekki láta slá sig út af laginu.   Setja ný lög um Seðlabankann og láta bera manninn út ef ekki lætur betur.

Nú er líka fyrir mótmælendur að mæta við Seðlabankann og berja potta sem aldrei fyrr.  

Davíð segir ekki af sér

Með ólíkindum.

Það er með ólíkindum að hlusta á Sjálfstæðismenn þessa dagana.    Þeir æmta og skræmta yfir ferli sem þeir ætluðu hvort eð er að framkvæma .. í það minnsta samkvæmt þeim!    Það átti bara að gera það þegar þeim hentar...  Undirstrikast......   Þegar þeim hentar.   

Halló!   Vaknið!   Íslenska þjóðin er gjaldþrota.    Fjármálakerfið hrundi.    Það þarf engin frekari rök.  Að gera brottrekstur núverandi stjórnar SÍ að pólítísku þrætuepli á tímum sem þessum er hrein og klár ósvífni ef ekki hrein og klár forheimska.   

Það er jákvætt að Ingimundur er búinn að biðjast lausnar.    Hann er maður að meiri.    Útganga Davíðs verður vörðuð hroka og mótþróa.   Hann mun ekki virða ríkisstjórn Íslands viðlits.    Ef dæmið væri öfugt og Davíð væri forsætisráðherra og hann vildi breyta til í SÍ!?   Getur einhver séð fyrir sér atganginn sem hefði orðið ef hann hefði fengið sömu fyrirlitningu og hann gefur Jóhönnu Sigurðardóttir!?! 

Davíð Oddsson......  FARÐU MAÐUR!   FARÐU.    GERÐU ÞAÐ... BARA FARÐU.  NÓG ER NÓG.

 

Ingimundur baðst lausnar

Afar 2007!

Svona gjörningur að níðast á fólki fyrir að nota málfrelsi sitt er eitthvað sem maður hefði ekki kippt sér upp við 2007!   En ekki á hinu Nýja Íslandi.      Hafi Toyota sem fyrirtæki og þessi flottræfils forstjóri skít og skömm fyrir að reka mann fyrir að voga sér að gagnrýna misrétti.      Mun aldrei líta Toyota sömu augum.  

Bloggari rekinn fyrir skrif

Tveir möguleikar.

Aðeins tveir möguleikar í boði fram að kosningum.     Minnihlutastjórn með Samfylkingu og VG þar sem Jóhanna leiðir.   Eða Utanþingsstjórn.    Það verður ekki þjóðstjórn.     Sjálfstæðismenn vilja leiða þann pakka og Samfylkingu hugnast ekkert frekar að þeir leiði þar áfram heldur en í fyrrverandi samstarfi.

Þessi Stjórnarslit voru fyrirsjáanleg.   Sjálfstæðismenn hugsa fyrst og síðast um flokkshagsmuni en ekki þjóðarhagsmuni.     Það var ekki inni í myndinni að þeir myndu víkja Harðstjóranum sínum.  

Nú er bara að vona að Ingibjörg og Steingrímur nái saman.    Ef Vinstri-Grænir eru virkilega að hugsa um að segja upp samstarfi við IMF þá eru þeir einfaldlega óstjórntækir.     Evrópumálin geta beðið fram að kosningum.    Þá fær þjóðin loksins að kjósa um það málefni.     Hef enga trú á því að ef VG ætlar að mála sig sem Andstæðinga aðildar og/eða aðildarumsóknar að  ESB að þeir hljóti þann hljómgrunn meðal þjóðarinnar sem skoðanakannanir benda til núna.     Íslendingar þurfa nýjan gjaldmiðil og það er ekki að gerast nema í samstarfi við ESB.     Hin Nýja Ríkisstjórn sem tekur við í maí verður að hafa aðildarumsókn í stjórnarsáttmála sínum.    Þjóðin sættir sig aldrei við neitt annað.

 

 

Stjórnarsamstarfi lokið

Samfylking ber í borðið!

Loksins Loksins.   Þetta átti að gerast í Nóvember.    Mjög líklega er þessi Ríkisstjórn búin að vera.   Það kæmi verulega á óvart ef Sjálfstæðismenn sýna auðmýkt og láta frá sér "verkstjórnarvaldið".   Svo ekki sé talað um að gera það sem mun alltaf blasa við núna hvernig sem fer....    Reka Davíð Oddson!

„Þurfum öfluga starfsstjórn"